Euskarldiaren laugarren edizioa udaberriarekin batera etorriko zaigu, maiatzaren 15etik 25era hain zuzen ere, eta izena emateko epea ireki da jada!
Zer da Euskaraldia?
Euskaraldia euskararen erabilera aktibatzeko mugimendua da, edo beste era batera esanda, euskara gehiago erabiltzeko ariketa praktikoa. Erabilerarentzat mesedegarri diren arau sozialetan eragitea bilatzen du hala nola, lehen hitza euskaraz egitea edo elkarrizketa elebidunak izatea. Euskaraldiak erabileran urratsak ematea ahalbidetzen du, edizioz-edizio, erabileran gauzi garrantzitsuak ekarri ditu.
Nola parte hartu?
AHOBIZI
rain arte euskaraz izan dituzun elkarrizketek euskarazkoak izaten jarraituko dute; baina, orain arte erdaraz izandako elkarrizketa batzuk euskaraz edo elebiz izatea ere lortuko duzu.
Jarrera aktiboa izango duzu, beraz. Zure harreman sarean dituzun hizkuntza praktikak aztertu eta euskarara aldatzeko aukera duzun horietan eragingo duzu. Hizkuntza aldaketarako aukeratu dituzun harreman horietan ezezik, zure bizitzako esparru guztietan euskaraz arituko zara, ahal den guztietan, ahal duzun guztiekin.
Bi aldeek euskaraz ulertzen badute, ez dago euskaraz ez egiteko arrazoirik. Ahobizi eta belarriprest ugari izango baitituzu inguruan
BELARRI PREST
Orain arte euskaraz izan dituzun elkarrizketek euskarazkoak izaten jarraituko dute, baina orain arte erdaraz izandako elkarrizketa batzuk euskaraz edo elebiz izatea ere lortuko duzu.
Jarrera aktiboa izango duzu, beraz, gonbitea egingo baitiezu euskal hiztunek zurekin euskaraz hitz egin dezaten. Oso garrantzitsua da zure funtzioa, euskarazko elkarrizketak sortzen lagundu eta euskara erabiltzeko giro babestua sortuko duzulako.
Ariketa egiten duzun bitartean giro babestua izango duzu, ahobizi eta belarriprest ugari izango baitituzu inguruan
EUSKARALDIA ELORTZIBARREN
Euskaraldia batzordea azkenengo hilabeteetan zehar elkartu da honako eskaintza antolatzeko eta ekintzetan parte hartzeko gonbidapena luzatzen dizue!
Hitzez hitz, euskaraldiari ekin, hitzez hitz dena aldatzen ikasi!