{"id":11975,"date":"2024-12-05T16:44:33","date_gmt":"2024-12-05T15:44:33","guid":{"rendered":"https:\/\/noain.es\/?page_id=11975"},"modified":"2025-01-27T12:01:10","modified_gmt":"2025-01-27T11:01:10","slug":"bestelako-ekintzak-euskaraz","status":"publish","type":"page","link":"https:\/\/noain.es\/eu\/zerbitzuak\/euskara-zerbitzua\/bestelako-ekintzak-euskaraz\/","title":{"rendered":"Bestelako ekintzak euskaraz"},"content":{"rendered":"\n

Etxepare saria<\/h3>\n\n\n\n
\n
\n

Etxepare saria Nafarroako 20 entitate baino gehiagok haien euskara zerbitzuen bidez antolatzen duten literatura saria da. Haurrentzako euskarazko album ilustratuak sortzeko eta argitaratzeko saria da. Literatura lehiaketen alorrean erreferentzia izanen zen saria sortzeko xedearekin jaio zen, eta gaur egun kulturak duen funtzio linguistikoan sakontzea ere helburu du. 2004an bide honi ekinez geroztik, 16 izan dira saritu eta argitaratu diren album ilustratuak.<\/p>\n\n\n\n

Etxepare sariaren oinarriak urtearen hasieran argitaratzen dira. Idazle eta ilustratzaileek hiruzpalau hilabeteko epea izaten dute beren lan proposamenak aurkezteko. Epaimahaiak ebatzi ondoren, uda aitzinetik ematen da jakitera zein den saritutako album ilustratua. Ondoren saritutako lana Pamiela argitaletxearen esku gelditzen da, eta urtea bukatu aitzinetik albuma argitara ematen da.<\/p>\n\n\n\n

Informazio gehiago hemen<\/a>.<\/p>\n<\/div>\n\n\n\n

\n
\"\"<\/a><\/figure>\n<\/div>\n<\/div>\n\n\n\n

Ze Berri<\/h3>\n\n\n\n

Ze Berri? euskararen sustapenerako eta soziolinguistikaren arloko gaien zabalkunderako argitalpen bat da. Ze Berri? aldizkaria sortzearen ideia 1994. urtekoa da. 14 Udal eta hiru kontzeju izan ziren bultzatzaileak, beraien Euskara Zerbitzuen bidez. Gaur egun aldizkaria nabarmen zabaldu da. Parte hartzen duten toki entitateak dira: Aibar \/ Oibar, Antsoain, Agoitz, Aranguren, Artazu, Berbintzana, Ma\u00f1eru, Mendigorria, Miranda de Arga, Obanos, Tirapu, Zirauki, Atetz, Bara\u00f1ain, Berriobeiti, Berriozar, Burlata, Galarko Zendea, Erroibar \u2013 Auritz \u2013 Orreaga \u2013 Luzaide \u2013 Artzibar, Eguesibar, Estella \/ Lizarra, Ezkabarte, Esteribar, Uharte, Lizoainibar-Arriasgoiti, Longida, Irunberri, Irantzu Mankomunitatea, Noain-Elortzibar, Odieta, Orkoien \u2013 Oltza Zendea \u2013 Etxauri, Orotz-Betelu, Iru\u00f1a, Gares, Izagaondoa, Roncal \/ Erronkari \u2013 Zaraitzu, Urrotz-Hiria, Atarrabia eta Zizur Nagusia.<\/p>\n\n\n\n

Egun aldizkariak 80.995 aleko tirada du \u2013Nafarroako tirada handiena duen aldizkaria bihurtuz- eta udalerrietako postontzietara iristen da Ilunberri eta Iru\u00f1ean salbu, bertan banaketa selektiboa egiten baita eta Iru\u00f1ak zenbaki guztiak etxean jaso ahal izateko harpidetza eskaintzen du. Nafarroako Gobernuak Euskarabidearen bitartez parte hartzen du proiektuan.<\/p>\n\n\n\n

\n
Ze Berri?<\/a><\/div>\n<\/div>\n\n\n\n

Euskaraldia<\/h3>\n\n\n\n

<\/p>\n\n\n\n

\n
\n
\"\"<\/figure>\n<\/div>\n\n\n\n
\n

Euskaraldia euskara ulertzen duten hiztunen arteko ahozko* hizkuntza-ohiturak aldatzeko ariketa sozial masiboa da, gizartearen gune guztietara zabaldua eta denborari dagokionez mugatua.<\/p>\n<\/div>\n<\/div>\n\n\n\n

Euskaraldia ondoko helburuekin sortu da:<\/p>\n\n\n\n