LAKARRI DANTZA TALDEA (EGUESIBAR) - Iruñerria Dantzabira

Nafarroako Danzarien Biltzarrak Iruñerria Dantzabira programa kulturala ekarri du Noainera. Bira horretan, herri desberdinetako dantza-taldeek parte hartzen dute, bakoitzak bere udalarekin batera. Horrela, talde bakoitzak bere ikuskizuna eskaintzen du beste herri batean, eta haien arteko harremana eta lankidetza sustatzen da, herritarrek dantza desberdinez gozatzen duten bitartean. Oraingoan, Eguesibarko Lakarri Dantza Taldea bisitatuko gaitu, eta, haren emanaldiaren ondoren, Topadantza bat egingo da, herri-dantzen saio bat, ordubetekoa, publiko amateurrak parte har dezan irekia.